Ин як намуна аз садҳо рафтори таҳқиромезу иҳонатомези давлати РусияҲ бо атбоъи Тоҷикистон ба ъунвони "шарики роҳбурдии" кишвари мост! Ин ҳатки ҳурмат ва таҷовуз фақат ба ҳамин афрод нест, таҷовуз ба куллияти давлат, миллат ва мардуми Тоҷикистон аст! Таҳқиру иҳонат ба ҳайсият, шараф, номус ва ъиззати миллати тоҷик аст.
Агар ин рафтор нисбат ба атбоъи кишваре ҳатто кӯчактар аз мо дар гӯшаи дигаре аз ҷаҳон сурат мегирифт, он кишвар билофосила сафиру диплумотҳои Русияро бо русвоии тамом аз кишвараш ихроҷ мекард ва равобиташро бо ин кишвари табаҳкор қатъ мекард. Аммо пешвои худхондаи миллати Тоҷикистон дар ин муддат ба ин рафтори шарики роҳбурдияш чи вокуниш кард? Ҳеч! Кӯчактарин вокунише ҳам накард!
Албатта, вокуниш кард: бештар ба побӯсии Путин рафт ва камарашаро бештар аз гузашта пеши ӯ хам кард! Афзун бар додани имтиёзоти бештаре ба пойгоҳи касифи Русия дар хоки муқаддаси мо, забони русиро низ дар Тоҷикистон бештар ривоҷ дод, мактабҳову кӯдакистонҳои русии бештаре дар саросари кишвар таъсис дод, дар ҳоле ки аз омӯзиш ва тарвиҷи хат ва забони миллати худаш ъор мекунад.
Се даҳа пеш, ки аз рустои Данғара берун омад, ҳамаи саъйу талошаш ин буда, ки забони русиро шикаста-баста ёд бигирад, вале дар ин 30 сол ъурзаи омухтани 32 ҳарфи алифбои порсӣ ё алифбои ниёконашро, ки мероси гаронсанги ин миллат аст, надоштааст! Ин шармандагист, ки "пешвои миллат" ва бисёре аз мақомҳои дигари Тоҷикистон хатти ниёкони моро ҳануз ҳам балад нестанд ва пеши тоҷикони бурунмарзӣ ба ин бесаводии худ на ин ки шармсор, балки мағрур ҳам ҳастанд.
Ин ҳақиқате бебаҳс аст, ки миллати мо дар ҳеч замоне ба андозаи ин се даҳаи зиллат дастхуши таҳқиру иҳонат қарор нагирифта ва ин андоза хору залил нашудааст! Пайравони фурумояи "пешво" аз ин ҳақиқат чашм мепӯшанд, чун маълум аст, ки худашон ҳам аз ҳеч ъиззат ва ҳайсияте бархурдор нестанд, чун аз табори ОЗОДАГОН нестанд ва ъиззату ҳайсияти миллат низ барояшон аҳаммияте надорад!
Инҳо дар азияту озор ва қатлу куштори ҳаммеҳанони худ дасти дарозтаре доранд, ҳамонтур ки ахиран дар Бадахшон шоҳидаш будем. Ва ъаҷаб нест, ки ин рафторҳои аҳриманиро инҳо хидмат ба миллат ва меҳан қаламдод кунанд! Барӯмандӣ ва ҳиммат аз сифлагон наметавон таваққуъ дошт!
21 хурдоди 1401 / 11 жуиеи 2022
No comments:
Post a Comment