Ин ки мегӯянд хати порсӣ мардумро бесавод мекунад, ҳеч поя ва далеле надорад. Мардуми Тоҷикистон аксар фақат саводи ибтидоӣ доранд, яъне саводи шинохтани ҳарф ва хондану нивиштан, саводашон аз ин фаротар намеравад. Чиро ки манобеъи фаровони ъилмӣ ба хатти пириллик вуҷуд надорад.
Соле дар Тоҷикистон чанд дона китоб чоп мешавад, он ҳам бо тирожи 500 то 100 дона. Он ҳам гарон аст ва аксари мардум қудрати харид ва хондани китоб надоранд. Муҳтавои ин китобҳо ҳам бисёр ночиз аст ва мояи зиёде надоранд.
Дар натиҷа, китобфурушиҳои Тоҷикистон саршор аз кутуби русӣ аст ва мардуми андаке таҳсилкарда бештар саъй мекунанд кутуби русӣ хонанд. Дар шабакаи ҷаҳонии интернет ҳам торнамоҳо ба хатти пириллик бисёр андак аст, он ҳам бештар торнамоҳои хабарӣ ва чанд дона блог.
Ширкатҳо ва муассисот ва ниҳодҳои давлатию хусусии Тоҷикистон бештар саъй мекунанд торнамоҳояшон ба русӣ бошад. Яъне чун тавлидоти манобеъи ъилмӣ ва адабӣ ба хатти пириллик (сирилики порсӣ) вуҷуд надорад, дар натиҷа забони порсӣ дар Тоҷикистон рӯ ба рукуд аст.
Дар муқобил, манобеъи ъилмию адабӣ ва фанноварӣ ба хатти порсӣ чи дар шакли китобу нивишта ва чи дар шакли электруник дар фазои маҷозӣ садҳо баробар бештар аст ва шумо ҳамин ҳоло бихоҳед дар ҳар мавзӯъе китобе ё нивиштае ба хатти порсӣ пайдо мекунед.
Барои хондан ва мутолеаи ин манобеъ шумо ниёзе ба омухтани забони бегона надоред, ҳамааш ба забони худатон фароҳам аст, фақат бояд 32 ҳарфи алифбои форсиро, ки алифбои забони модарии худатон аст, ёд бигиред.
Пас маълум аст, ки омӯзиши кудоме аз ин хатҳо корбурдитар ва судмандтар барои ин миллат аст.
25 хурдоди 1401 / 15 жуани 2022
(5) Esfandiar Adineh | Facebook
No comments:
Post a Comment