Гурӯҳе бесавод дар вокуниш ба ин хабар, ки ҳайъате аз Созмони Беҳдошти Ҷаҳонӣ ба Тоҷикистон меояд, саръ гирифтаанд ва дар шабакаи Фейсбук ба корзоре густарда ъалайҳи ин созмон пардохтаанд!
Масалан яке аз ин беандешаҳо, ки худро "Ҷаҳони андеша" (!) ном гузошта, чунин нивишта: "Ҷаҳони Андеша Ба омадани ,,онҳо,, ягон беҳбудӣ мешавад? Умуман кори онҳо ба мо чӣ? Масъаларо ҷиддӣ бояд ҳал кард. Ҳамаи ин дилсӯзиҳо ғаразноканд."
Дигаре афзуда: "Mahmadsharif Atoev Дар мо ку коронавирус нест. Онхо омада онро аз кучо ефтанианд? Ё кориданианд? Бо омадани онхо кадом масъала рохи халли худро меёфта бошад?"
Севумӣ чунин нивишта: "Кӯҳистонзода Кухистони Гӯё ки ҳукумати Тоҷикистон саломати шахрванди худро намехоҳад онҳо дилсузи мо ҳастанд.... Аврупоӣ ва Амрикои махуф пешравии моро намехохад..
Рашкашони ҳасадашон баланд шуд.."
Оқоён ва хонумҳо! Шумо чи пешравӣ доред? Масалан, Омрико дар замони қарантине ё хонанишинӣ трилюнҳо дулор ба шаҳрвандонаш, ки дар хона менишинанд, кумакпулӣ медиҳад, трилюнҳо дулор ҳам ба корхонаҳое медиҳад, ки тиҷораташон муваққатан мутаваққиф шудааст.
Боз ҳам омода аст ба кишварҳои ъақабмонда ва фасодзадае чун Тоҷикистон милюнҳо дулор кумак кунад. Ҳоло шумо чи пешравӣ доред, ки кишварҳои дигар намехоҳанд??? Ҳамин ки раисҷумҳуратон меравад навори ифтитоҳи ду-се дукону киускро қайчӣ мекунад ва фардояш онҳо баста мешаванд?
Бифармоед, чи пешравӣ доред, ки кишварҳое бо ин ҳама пешрафт ба шумо ҳасад баранд? Як ширкатчаи кӯчаки Омрико будҷеаш даҳ баробари будҷеи давлати Тоҷикистон аст, боз ин кишвар ба шумо ва раҳбарони чӯпонатон ҳасад мебарад?
Мутаассифона, дар миёни инҳо бархе аз шахсиятҳои расонаӣ ҳам ҳастанд, ки фикрҳои бисёр ъаҷибу ғарибе баён мекунанд. Маслаан: "Хуриннисо Ализода Онҳо меоянд, ки биёянд ва бигӯянд шир сафед асту ангишт сиёҳ? Он маблағҳое, ки сарфи меҳмонӣ ва "бузургдошт"-и онҳо мешавад, ба беморони короноии камбағал сарф шавад, беҳтар аст."
Ин хонум чунин пиндошта, ки ҳайъати Созмони Беҳдошти Ҷаҳонӣ бо пули мизбонҳо ба Тоҷикистон меояд, ки мутмаиннан чунин нест!
Дилафрӯзи Қурбонӣ, хабарнигори нашрияи "Омӯзгор" ҳам чунин нивишта: "Delafroz Kurboni Бале, магар дар Точикистон аслан мутахассиси вирусшинос нест??? Ин тахкир ба табибони точик нест? Яьне, табибони мо хама, яксара бесаводанд??? Ба назарам, чои гармашонро хунук накунанд, бехтар аст."
Омадани ин ҳайъат ба саводи пизишкони шумо чи рабте дорад? Дар ҳоле ки воқеъан ҳам пизишкони тоҷик дар заминаи вируси курунои ҷадид ё бемории Кувиди 19 саводи кофӣ надоранд, дар ин шакке нест.
Ё шоъир Рустами Ваҳҳобзода менивисад беҳтар аст коре, ки намояндагони Созмони Беҳдошти Ҷаҳонӣ анҷом медиҳанд, мутахассисони худӣ анҷом диҳанд.
"Rustam Vahhobzoda Беҳтар аст ин корро мутахассисони худӣ анҷом диҳанд. Агар зарур бошад як гурӯҳ бо намунаи ташхисҳои гирифта дар Тоҷикистон ба марказҳои пешрафтаи хориҷ сафар кунанд. Радду бадали иттилоъот ва намунаи ташхисҳо имрӯз ҳам анҷом мешавад. Бояд ҳамин фаъолият дақиқтар ва муассиртар шавад."
Яъне ҳамаи инҳо нисбат ба намояндагони Созмони Беҳдошти Ҷаҳонӣ баякбора аз худ шакку тардид буруз додаанд ва эҳсос мекунанд, ки душмане қавӣ бо аҳдофе хатарнок ба суроғи онҳо омадааст.
Ин дар ҳолест, ки ин созмони байналмилалӣ солҳост дар Тоҷикистон фаъолият дорад ва мардуми кишварро аз бисёре балоҳои охирзамон, ки давлати Тоҷикистон аз рафъи онҳо нотавон буда, наҷот додааст.
Тайи се даҳаи ахир, метавон гуфт, бештарин шумори доруву таҷҳизоту мавод ва васоили аввалияи дармониро барои анвоъи мухталифи бемориҳо дар Тоҷикистон ҳамин созмон таъмин кардааст.
Ҳамин созмон аст, ки ъалайҳи бемории сил дар Тоҷикистон мбуориза мекунад! Ҳамин созмон аст, ки фалаҷи атфолро, ки чанд сол пеш дар Тоҷикистон пайдо шуд ва чандин кӯдакро гирифтор кард, аз миён бурд!
Ҳамин созмон аст, ки дар даврони ҷанги дохилӣ ҷилави густариши бемории ҳасба ё доманаро гирифт, вагарна мақомоти Тоҷикистон бо надонамкорӣ ва системи фасодолудаашон ними ҷамъиятро ба куштан медоданд.
Ин созмон аст, ки бештар аз давлати Тоҷикистон ба фикри саломати модару кӯдак аст ва мизони маргу мири модарону кӯдаконро коҳиш додааст.
Ин созмон аст, ки васоили гуногуни пизишкиро ройгон дар ихтиёри мардум мегузорад, доруҳо ва маводди дармониро ройгон ба Тоҷикистон меорад, аммо мақомоти тоҷик солҳост тавони эҷоди системи бимаи дармониро надоранд ва дар натиҷа аксари кулли мардум аз бимаи дармонӣ комилан бебаҳраанд.
