Thursday, January 22, 2009

Ба Би-би-си нигох кунем!


Огози кори телевизиюни форсии Би-би-си навиди хушест барои хамаи (магар охундхо). Арзёбии кори он ва таъсироте бар афкори умуми дар чахони порсигу мегузорад, дар холи хозир чандон сахех нахохад буд. Вале ончи инлисихо мегуянд "first impression" ё пазириши аввалияи бинандагон барои короии ояндаи ин телевизиюн, то андозае муассир хохад буд. Аз нигохи аввал чунин бармеояд, ки телевизиюни форсии Би-би-си масоили чахон ва Эрону Афгонистонро дар конуни таваччухи худ карор дода, вале аз бозтоби зиндагии дах-понздах милюн порсизабон дар Осиёи Миёна (на танхо Точикистон) сарфи назар кардааст. Би-би-си ба чуз як хабарнигор дар Душанбе дигар гузоришгаре надорад. Аз миёни мучриёни барномахои телевизиюн дар Ландан аз Точикистон касе нест ва шояд хамин амр сабаб шуда, ки фукдони хузури порсигуёни минтака бавижа дар барномахои интерактиви ин телевизиюн ба мушохида мерасад. Шояд далелаш ин бошад, ки бисёре аз сокинони Точикистон ва Узбакистон хануз ба телевизиюни форсии Би-би-си дастраси пайдо накардаанд ё хабардор нашудаанд, ки чунин телевизиюне ба кор огоз кардааст. Би-би-си мумкин аст бахона кунад, ки чун дар минтака тамошобини зиёд ва фаъоле надорад, наметавонад сармояи зиёде дар барномахои марбут ба Осиёи Миёна гузорад. Аммо ин бахона ба хеч вачх пазируфтани нест, зеро мавзуъи чалби таваччухи бинандагон боз ба имконот ва махоратхои бозорёбии Би-би-си бармегардад. Масале хаст, ки мегуянд аз як даст овоз барнамеояд. Дар холе ки аз Би-би-си кунише нашавад, чи тур метавон вокунишеро таваккуъ дошт? Бояд гуфт, ки телевизиюни форсии Би-би-си то кунун барои чли таваччухи порсизабонони Осиёи Миёна такрибан хеч коре накардааст, хеч гуна таблигот ва огахие дар бораи кори худ барои мардуми инчо пахш накардааст. Дар намоишхои телевизиюнии худ низ нишон додааст, ки танхо барои Эрон ва Афгонистон кор мекунад. Лоакалл бардошти мо, мардуми махалли, ин аст. Пахши телевизиюне монанди Би-би-си барои мардуми Эрон ва Афгонистон бо таваччух ба низомхои хоким ва камбуди васоили иттилоърасони ва расонахои олтернотив дар баробари расонахои давлати багоят мухимм аст, вале кишвархои Осиёи Миёна, бавижа Точикистон дар ин замина вазъияти бадтаре доранд. Бо таваччух ба вучуди режимхои худкома ва мустабид дар Осиёи Миёна мардуми инчо такрибан дар инзивои хабарии комил карор доранд ва ба расонахои мустакилл ва бетарафонае монанди телевизиюни Би-би-си шадидан ниёзманданд. Масъулони телевизиюни форсии Би-би-сиро лозим аст дар ин бора амиктар бияндешанд ва тамос ва иртиботи бехтаре бо мардуми порсизабони Точикистон ва кишвархои дигари минтака барпо кунанд. Барномахое ки ин телевизиюн дорад, барои бедор сохтани мардуми хобидаи Точикистон ва кишвархои дигари минтака багоят муфиданд. Албатта чалби мухотаб дар чавомеъи мунзавишудаи ин минтака кори осоне нест, вале рисолати Би-би-си ин аст, ки коре анчом дихад, ки "ношуданист". Тафовути Би-би-си аз расонахои дигар хам хамин буда ва бояд бошад, ки дигарон дунболи бозори дастрас ва осон мегарданд, вале барои Би-би-си иттилоърасони ба чавомеъи махруммонда аз иттилоъот ва донишхои имрузи авлавият дорад. Аз тарафи дигар, метавон умедвор буд, ки мардуми мо гом ба гом таваччухи бештаре ба телевизиюни форсии Би-би-си кунанд ва бавижа бо мушорикати худ дар барномахои интерактив дардхову мушкилоти худро бо чахониён ва хамзабононашон дар чахон дар миён гузоранд.

5 comments:

Anonymous said...

Finally !!!
Well done Suharb daste shumo dard nakune .

reza vahhab said...

dust e hamqom! ba dorud!
cheshm e chap yek qaside ye ja’rist – boghz e man mesl e zakhm e to kar’ist
be ruzam o montazer e gozar o nazaret!

Mehrdad from Iran (Persia) said...

سلام هنوز فرصت نکردم متن وبلاگ شما را بخوانم یک به دلیل اینکه با الفبای سیرلیک آشنائی زیادی ندارم و دیگر اینکه این وبلاگ را همین حالا پیدا کردم. ولی پیداست که اهل تاجیکستان هستید، من ایرانی هستم و بزودی دوباره به وبلاگ شما خواهم آمد

Anonymous said...

Навбати шумо: Рушди бунёдгароии исломӣ дар Тоҷикистон

Интишори гузоришҳое аз фаъолияти гурӯҳҳои тундрави мазҳабӣ дар бархе манотиқи Тоҷикистон, аз ҷумла ҳамлае, ки ба кушта шудани панҷоҳ сарбози давлатӣ анҷомид ва ба исломгароёни тундрав нисбат дода шуд, ҳарос аз рушди бунёдгароии мазҳабиро дар ин кишвари нисбатан ороми Осиёи Миёна тақвият кардааст.

Эмомалӣ Раҳмон, раиси ҷумҳурии Тоҷикистон, ахиран аз шаҳрвандони кишвараш хоста фарзандони худро барои таҳсили динӣ ба хориҷ нафиристанд ва ҳушдор дода, ки аксарияти ин мадорис динӣ нестанд ва касоне ки дар ин мадорис омӯзиш мебинанд, ифротгаро ва терурист мешаванд.

Оё шумо нигаронии давлати Тоҷикистон аз рушди бунёдгароии исломиро баҷо медонед? Оё фикр мекунед донишомӯзоне, ки барои таҳсили динӣ ба хориҷ мераванд, бо худ бунёдгароӣ ва терурисмро ба Тоҷикистон меоваранд?

Ба дунболи ҷангҳои дохилии пас аз истиқлоли Тоҷикистон дар сенздаҳ сол пеш, давлати ин кишвар бо имзои як тавофуқномаи сқлҳ, мухолифони исломгарои худро дар мудирияти кишвар саҳим кард. Аммо акнун бо гузашти 13 сол, ҳеҷ як аз чеҳраҳои исломӣ дигар дар мансабҳои давлатӣ дида намешаванд. Аз як сӯ давлат баъзе аз аъзои Ҳизби Наҳзати Исломиро ба ифротгароӣ муттаҳам мекунад ва аз тарафи дигар, насли ҷавон фикр мекунад, ки ин ҳизб чандон ҳам бунёдгаро ва тарафдори ислоҳоти сиёсӣ нест.

Назари шумо дар бораи фаъолияти аҳзоби исломгаро дар Тоҷикистон чист? Оё худи шумо бо атрофиёнатон дар ин гуна аҳзоб фаъолият доштаед?

Акнун мардуми тоҷик дар заминаҳои эътиқодоти динӣ ва мазҳабӣ, аз озодиҳои бештаре дар муқоиса бо даврони Шӯравӣ бархӯрдоранд, аммо ҳамзамон аз назари иқтисодӣ, шикофҳои табақотӣ дар миёни мардум бештар шудааст.

Бархе муътақиданд, ки ҳамин ихтилофҳои табақотӣ, тарокуми зиёди ҷамъият ва нархи болои бекорӣ ҷавононро водоштааст, ки посухи мушкилоти худро дар қироъатҳои бунёдгароёна аз ислом ҷустуҷӯ кунанд.

Ба назари шумо, аҳзоби исломгаро чи ҷойгоҳе дар миёни мардуми Тоҷикистон доранд ва назари умумии мардум нисбати фаъолиятҳои онон чист?

Оё фаъолияти ин аҳзобро барои рушди демукросӣ дар Тоҷикистон муфид медонед ё нигарон ҳастед, ки ин аҳзоб мумкин аст ин кишварро ба сӯйи бунёдгароӣ бикашад?

Барномаи "Навбати шумо" дар рӯзи сешанбе, 19 октябр, ба ин мавзӯъ мепардозад.

Шумо метавонед бо қарор додани шумораи тамоси худ дар бахши назароти вебсойт, ирсоли имейл ба нишонии shoma@bbc.co.uk ё тамос бо шумораҳои 00442077652048 ва 00442077650505 дар барномаи "Навбати шумо" ширкуат кунед.

Ҳамчунин метавонед шумораи тамос ё назароти худро аз тариқи паёмак (SMS) ба шумораҳои 00447786201127 ё 00447786200548 ирсол кунед.

Дар "Твитер" метавонед назароти худро аз тариқи nowbat@ ба мо бифиристед: www.twitter.com/nowbat

Агар мехоҳед ба сурати тасвирӣ бо вебкам дар барнома ширкат кунед, лутфан ба мо имейл бизанед, то шуморо роҳнамоӣ кунем.

Ҳамчунин метавонед ба василаи мубойл ё вебкам назаротии худро ба сурати тасвирӣ забт ва барои мо ирсол кунед, то дар тӯли барнома пахш шавад.

Radioi Ozodi said...

Салом, дӯсти азиз!

Муддатест пайваста аз торнигори Шумо дидан мекунем ва матолиби онро бо шавқи зиёд мехонему гоҳе сари онҳо баҳс мекунем. Хеле хуб аст, ки Шумо бо ҳузур ва фаъолияти хеш олами блоги тоҷикӣ ва ба ин васила фазои иттилоотиро дар шабакаи ҷаҳони интернет рангин мекунед. Дар ин ҷода бароятон устуворӣ ва комёбиҳо орзумандем.

Агар огаҳӣ доред, хуб, вагарна бо ин нома ба таваҷҷӯҳи Шумо мерасонем, ки дар торнамои Радиои Озодӣ гӯшаи “Блогистон” таъсис шудааст, ки беҳтарин матолиби блогнависонро ба забонҳои тоҷикӣ ва русӣ мунташир карда, дар муаррифии ин блогҳо ва афзоиши теъдоди хонандагони онҳо саҳм мегирад.

Ҳоло мехоҳем, Шуморо ба ширкат дар кори ин гӯшаи торнамои Озодӣ ҷалб намоем. Хоҳиши мо ин аст, ки агар имкон доред, ҳар моҳ яке аз навиштаҳои худро ҳамроҳ бо акси дилхоҳи хеш ва линки блоги худ ба гӯшаи “Блогистон”-и Озодӣ бифиристед. Мо матлаби Шуморо нашр мекунем.

Ҳамчунин метавонем дар ҳамкорӣ Шуморо ба таҳияи видео-блогҳо даъват кунем, ки вақт ва нерӯи камтаре мегиранд. Агар компютери Шумо дурбин дорад, метавонем бо ҳам дар тамос шавем ва видео-блоги Шуморо мустақиман забту дар Блогистони Озодӣ пахш кунем.

Шумо аз ҷумлаи пешгомони фанновариҳои нави иттилоотӣ ҳастед. Биёед бо ҳам ин пешсафиро идома диҳем ва блогосфераи тоҷикро ба сатҳи болотаре бардошта, ба доираҳои фарохтар муаррифӣ кунем.

Бо дуруд ва эҳтиром
Соҷидаи Мирзо,
мудири Бахши Тоҷикии
Радиои Озодӣ